தேர்தலில் போட்டியிட அழைப்பு.. மதத்தை போற்றும் கட்சியுடன் இணைய விருப்பமில்லை: சத்யராஜ் மகள் திவ்யா அதிரடி.!
தமிழ் சினிமாவில் முன்னணி நடிகராக திகழ்பவர் சத்யராஜ். தற்போது ஏராளமான குணச்சித்திர கதாபாத்திரங்களில் கமிட்டாகி நடித்து வ்ருகிற்றர். இவரது மகளான திவ்யா பிரபலமான ஊட்டச்சத்து நிபுணர். மகிழ்மதி என்ற இயக்கம் மூலமாக பல்வேறு மக்கள் நலத்திட்ட உதவிகளை செய்து வருகிறார். இந்நிலையில் தனது அரசியல் ஆர்வம் குறித்து திவ்யா சத்யராஜ் பேசியுள்ளது இணையத்தில் வைரலாகி வருகிறது.
இந்திய அளவில் அங்கீகரிக்கப்பட்ட ஊட்டச்சத்து நிபுணர்களில் திவ்யா சத்யராஜும் ஒருவர். மகிழ்மதி என்ற தனியார் நிறுவனத்தின் மூலமாக பொருளாதாரத்தில் பின்தங்கிய குடும்பத்தை சார்ந்த ஊட்டச்சத்து குறைபாடுள்ள குழந்தைகளுக்கு பல்வேறு நலத்திட்ட உதவிகளை செய்து வருகிறார். மேலும், அவ்வப்போது வெளிப்படையாக அரசியல் கருத்துக்களையும் பேசி வருகிறார்.
பொது தளங்களில் சமத்துவத்தை முன்வைத்து தனது கருத்துக்களை தொடர்ச்சியாக பகிர்ந்து வருகிறார். கடந்தாண்டு சனதானம் குறித்த பேச்சுக்கள் பரபரப்பை கிளப்பிய சமயத்தில், பெண்களுக்கு எதிரான கருத்துக்களை கொண்டிருப்பதால் தான் சனாதன தர்மத்தை மறுக்கிறேன் என அதிரடியாக கருத்து தெரிவித்து இருந்தார்.
About the Author
