டூ வீலர் மீது வாகனம் மோதி 2 பலி

பெரம்பலூர் அருகே டூ வீலர் மீது வாகனம் மோதி 2 மாணவர்கள் பரிதாப பலி

பெரம்பலூர் அருகே டூ வீலர் மீது அடையாளம் தெரியாத வாகனம் மோதியதில் 2 பேர் பலியாகினர்.பெரம்பலூர் மாவட்டம் கவுல்பாளையம் கிராமம் முருகன்நகரை சேர்ந்தவர் ராஜா. கொத்தனார். இவரது மகன் நித்திஷ் (14). திருச்சி மாவட்டம் துறையூர் தாலுகா வெங்கடத்தானூர் அரசு உயர்நிலைப்பள்ளியில் 9ம் வகுப்பு படித்து முடித்துள்ளார். இதேகிராமம் மேற்கு தெருவை சேர்ந்த சேகர் மகன் கோகுல் (13). பேரளி அரசு மேல்நிலைப்பள்ளியில் 8ம்வகுப்பு படித்து முடித்துள்ளார்.

இந்நிலையில் நேற்று காலை 11.15 மணியளவில் நித்திஷ், தனது தந்தைக்கு சாப்பாடு கொடுக்க நண்பன் கோகுலுடன் டூ வீலரில் பெரம்பலூர் சென்றார். பின்னர், மீண்டும் அதே டூவீலரில் வீடு திரும்பினர். திருச்சி-சென்னை தேசிய நெடுஞ்சாலையில் தீரன்நகர் ஆர்ச் அருகில் தேசிய நெடுஞ்சாலையை கடக்க முயன்றனர். அப்போது, அந்த வழியாக வந்த அடையாளம் தெரியாத வாகனம் டூவீலர் மீது மோதிவிட்டு நிற்காமல் மின்னல் வேகத்தில் சென்றது.