மலப்புரம் தொகுதியில் போட்டியிடும் இஸ்லாமியர்

கேரளாவின் கோழிக்கோடு பல்கலைக்கழகத்தின் முன்னாள் துணைவேந்தரும், மண் மேலாண்மை நிபுணருமான அப்துல் சலாம் 2024 மக்களவைத் தேர்தலில் பா.ஜ.க சார்பில் வேட்புமனு தாக்கல் செய்ய தேர்ந்தெடுக்கப்பட்ட வேட்பாளர்களில் ஒருவராகி சாதனை படைத்துள்ளார்.

கடந்த மக்களவைத் தேர்தலில், ஒரு முஸ்லிம் வேட்பாளருக்குக் கூட, பா.ஜ.க வாய்ப்பளிக்காததால், அப்துல் சலாமிற்கு தேர்தலில் போட்டியிட வாய்ப்பளித்திருப்பது மிகவும் முக்கியமானது. இதனால், பா.ஜ.க பல விமர்சனங்களைச் சந்திக்க வேண்டியிருந்தது.

இந்த விமர்சனங்கள் குறித்து பேசிய பா.ஜ.க-வினர், பா.ஜ.க முஸ்லிம் சமூகத்தின் ஓட்டுகளை பெறவில்லை, எனவே முஸ்லிம் வேட்பாளர்களை நிறுத்துவது சரியானதாக கருதப்படவில்லை என்று கூறினர்.