கோவிஷீல்ட் தடுப்பூசி…
இங்கிலாந்தைச் சேர்ந்த ஆக்ஸ்போர்டு-அஸ்ட்ரா செனகா நிறுவனம் தயாரித்துள்ள கோவிஷீல்ட் கொரோனா தடுப்பூசி உலக சுகாதார நிறுவனத்தினால் அங்கீகரிக்கப்பட்டு பல்வேறு நாடுகளில் பயன்படுத்தப்பட்டு வருகிறது.
இந்நிலையில், ஐரோப்பிய நாடுகளில் உள்ள கோவிஷீல்ட் தடுப்பூசியை செலுத்திக் கொண்டவர்கள், ஐரோப்பிய யூனியனின் பிற நாடுகளுக்கு பயணம் செய்வதில் சிக்கல் ஏற்பட்டது. ஐரோப்பிய நாடுகளுக்குள் மக்கள் எளிதாக பயணம் மேற்கொள்ள கிரீன் பாஸ் என்ற நடைமுறையை கடைபிடிக்கப்படுகிறது. கொரோனா தடுப்பூசி செலுத்தியவர்கள் கிரீன் பாஸ் சான்றிதழ் உடன் ஐரோப்பிய யூனியம் நாடுகளில் ஒரு நாட்டில் இருந்து இன்னொரு நாட்டிற்கு சுலபமாக சென்று வரலாம்.
கிரீன் பாஸ் வழங்குவதற்கான கொரோனா தடுப்பூசிகளின் பட்டியலில் அஸ்ட்ரா செனகா தயாரித்துள்ள பிற தடுப்பூசியின் பெயர் இடம் பெற்றிருந்த போதிலும் ‘கோவிஷீல்டு’ தடுப்பூசியின் பெயர் இடம்பெறாததால், ஐரோப்பிய நாடுகளுக்குச பயணம் மேற்கொள்வதில் சிக்கல் ஏற்பட்டது.
