இன்று கோவை செல்கிறார் முதலமைச்சர் மு.க.ஸ்டாலின்

இன்று கோவை செல்கிறார் முதலமைச்சர் மு.க.ஸ்டாலின்

தமிழ்நாடு அரசின் திட்டங்கள் முழுமையாக மக்களை சென்றடைகிறதா என மாவட்ட வாரியாக கள ஆய்வு மேள்கொள்ள உள்ளார். முதல்கட்டமாக இன்று கோவையில் தொடங்குகிறார்.

காலை 10 மணிக்கு சென்னையில் இருந்து விமானம் மூலம் புறப்பட்டு கோவை செல்கிறார்.

காலை 11.30 மணியளவில் விளாங்குறிச்சியில் ₹114.16 கோடி செலவில் 3.04 ஏக்கர் பரப்பளவில், 8 தளங்ளுடன் கட்டப்பட்டுள்ள புதிய ஐடி வளாகத்தை திறந்து வைக்கிறார்.

நண்பகல் 12 மணியளவில் சுகுணா திருமண மண்டபத்தில் தமிழ்நாடு வீட்டு வசதி வாரியம் சார்பில் நில எடுப்பு நடவடிக்கையில் விலக்கு அளிக்கப்பட்டவர்களுக்கு விடுப்பு ஆணைகளை வழங்க உள்ளார்.

மாலை 4 மணியளவில் சிவாலயா திருமண மண்டபத்தில் தங்க நகை தொழில் அமைப்பு நிர்வாகிகளுடன் மு.க.ஸ்டாலின் கலந்துரையாடுகிறார். தங்க நகை தொழிலில் உள்ள பிரச்னைகளை அவரிடம் கேட்டறிய உள்ளார்.

அதன்பின் போத்தனூரில் திமுக நிர்வாகிகள் ஆலோசனை கூட்டத்தில் பங்கேற்கிறார். 2026 சட்டமன்ற தேர்தல் குறித்து ஆலோசனை வழங்க உள்ளார்.