2வது டி20யிலும் தென் ஆப்ரிக்கா தோல்வி: தொடரை வென்றது வெஸ்ட் இண்டீஸ்

தென் ஆப்பிரிக்கா அணி வெஸ்ட் இண்டீசில் சுற்றுப்பயணம் மேற்கொண்டு விளையாடி வருகிறது. டெஸ்ட் தொடரை தென் ஆப்பிரிக்கா கைப்பற்றிய நிலையில் இரு அணிகளுக்கு எதிரான 3 போட்டிகள் கொண்ட டி20 தொடர் நடந்து வருகிறது. முதல் டி20யில் தென் ஆப்பிரிக்கா அணி தோல்வி அடைந்திருந்த நிலையில் 2வது டி20 போட்டி டரூபா மைதானத்தில் இன்று அதிகாலை நடந்தது. டாஸ் வென்ற தென் ஆப்பிரிக்கா முதலில் பந்துவீசியது. வெஸ்ட் இண்டீஸ் ஓப்பனர்களாக களமிறங்கிய அத்தனேஸ் மற்றும் ஷாய் ஹோப் அதிரடியாக ஆடி ரன் சேர்த்தனர். வில்லியம்ஸ் பந்துவீச்சில் அத்தனேஸ் ஆட்டமிழக்க, 22 பந்தில் 41 ரன்கள் சேர்த்த ஹோப், க்ரூஜர் பந்துவீச்சில் ஆட்டமிழந்தார். கடந்த போட்டியில் ஆட்டநாயகன் விருது வென்ற பூரன் இந்த போட்டியில் 19 ரன்களுக்கு நடையை கட்டினார்.