மஞ்சள் காமாலையின் போது கடைப்பிடிக்க வேண்டிய
மஞ்சள் காமாலையால் பாதிக்கப்பட்டிருந்தால் அதற்குரிய உணவுகளை உட்கொள்வது முக்கியம். அதேபோல சில உணவுகளைத் தவிர்க்க வேண்டியிருக்கும். கொழுப்புள்ள உணவுகளைக் கண்டிப்பாகத் தவிர்க்க வேண்டும். ஏனெனில், மஞ்சள் காமாலை பாதிப்பின்போது செரிமானம் மெதுவாகத்தான் நடக்கும். கல்லீரலிலிருந்து பித்தம் உடனடியாக உற்பத்தியாகாததால் செரிமானத்துக்கு அதிக நேரம் எடுக்கும். அதே போன்று எண்ணெயில் பொரிக்கப்பட்ட உணவுகளையும் தவிர்க்க வேண்டும்.
மீன், சிக்கன் சாப்பிடலாம். மஞ்சள் காமாலையால் பாதிக்கப்பட்டவர்கள் சிக்கன் சாப்பிடக்கூடாது, அதைச் சாப்பிட்டால் உடல் சூடாகிவிடும் என்றெல்லாம் நம்பிக்கைகள் உண்டு. அவையெல்லாம் தவறானவை. எண்ணெயில் சிக்கனை பொரித்துச் சாப்பிடாமல், வேறு வகையில் சமைத்து சாப்பிடுவதால் உடலுக்குப் பிரச்னையில்லை.
