இடுக்கி பகுதியில் அனல் வெயிலால் கருகும் ஏலச் செடிகள்
விவசாயிகள், தோட்ட தொழிலாளர்கள் கவலை
கூடலூர் : தமிழக-கேரள எல்லையை ஒட்டியுள்ள இடுக்கி மாவட்டத்தில் வெயில் கொளுத்தி வருவதால், ஏலச் செடிகள் காய்ந்து வருகின்றன. ஏலச் செடிகள் பூ பூக்கும் தருணத்தில் மழை இல்லாமல் செடிகள் கருக தொடங்கியதால் விவசாயிகள் கவலை அடைந்துள்ளனர். மேலும் தோட்ட தொழிலாளர்களுக்கும் வேலை இழப்பு ஏற்பட்டுள்ளது.
தேனி மாவட்டத்தின் தென்மேற்கு எல்லையை ஒட்டி, கேரள மாநிலத்தின் இடுக்கி மாவட்டம் அமைந்துள்ளது. மலைப்பாங்கான இயற்கை எழில் நிறைந்த இந்த மாவட்டத்தில் லட்சக்கனக்கான ஏக்கர் பரப்பளவில் ஏல விவசாயம் நடக்கிறது.
