சித்தூர் லெனின் நகர் காலனியில் குப்பை கிடங்கில் திடீர் தீ விபத்து
தீயை கட்டுக்குள் கொண்டு வர மாநகராட்சி ஆணையர் நடவடிக்கை
சித்தூர் : சித்தூர் லெனின் நகர் காலனியில் குப்பை கிடங்கில் திடீரென தீ விபத்து ஏற்பட்டது. இந்த தீயை கட்டுக்குள் கொண்டு வர மாநகராட்சி ஆணையர் அருணா நடவடிக்கை மேற்கொண்டார். சித்தூர் மாநகராட்சிக்கு சொந்தமான லெனின் நகர் பகுதியில் உள்ள குப்பை கிடங்கில் நேற்று மதியம் திடீரென தீ விபத்து ஏற்பட்டது. இது குறித்து தகவல் அறிந்த மாநகராட்சி ஆணையர் அருணா அதிகாரிகளுடன் சம்பவ இடத்துக்கு சென்று ஆய்வு மேற்கொண்டார். பின்னர் தீயணைப்பு துறைக்கு தகவல் தெரிவித்து அப்பகுதியில் தீயணைப்பு வாகனங்களை வரவழைத்து தீயை அணைக்கும் பணியில் மாநகராட்சி அதிகாரிகள் மற்றும் தீயணைப்பு துறை அதிகாரிகள் ஈடுபட்டு வருகிறார்கள்.
