போடி பகுதியில் கொடிக்காய்புளி சீசன் துவக்கம்

கிலோ ரூ.400க்கு விற்பனையாகிறது

போடி : கோடை வெயிலின் தாக்கம் அதிகமாக உள்ள நிலையில், போடி மற்றும் சுற்றுவட்டார பகுதிகளில் கொடிக்காய்புளி பழ சீசன் தற்போது தொடங்கியுள்ளது. ஒரு கிலோ ரூ.400 வரை வியாபாரிகள் விற்பனை செய்கின்றனர். அதை பொதுமக்கள் ஆர்வமுடன் வாங்கிச் செல்கின்றனர்.கோடை காலம் தொடங்கிவிட்டது. இதனால் பகல் நேரங்களில் சாலைகளில் மக்கள் நடமாட்டம் வெகுவாக குறைந்துள்ளது.

இரவு நேரங்களில்கூட வீடுகளில் வெப்பநிலை இயல்பை காட்டிலும் மிக அதிகமாக உள்ளதால் மக்கள் பரிதவித்து வருகின்றனர். இதனால் மக்கள் கோடை சீசனில் அதிகம் விளையும் தர்பூசணி பழங்களை வாங்கி ருசிக்கின்றனர். இதேபோல பதநீர், நுங்கு, இளநீர், கரும்புச் சாறு, மோர், கூழ் வகைகள், நன்னாரி சர்பத் மற்றும் குளிர்பானங்கள் விற்பனையும் களைகட்டியுள்ளது.