ஏப்.23ல் கண்ணகி கோயில் விழா

13ம் தேதி தமிழக-கேரள அதிகாரிகள் ஆலோசனை

கூடலூர் : தமிழக-கேரள எல்லைப் பகுதியில் அமைந்துள்ள கண்ணகி கோயில் சித்ரா பவுர்ணமி விழா ஏப்.23ல் நடைபெற உள்ளது. இதனை முன்னிட்டு கோயிலுக்குச் செல்லும் பக்தர்களுக்கு அடிப்படை வசதிகள் செய்வது குறித்து இருமாநில அதிகாரிகளின் ஆலோசனைக் கூட்டம் வரும் சனிக்கிழமை தேக்கடியில் நடைபெறுகிறது.இரண்டாயிரம் ஆண்டு பழமையும், சரித்திரப்புகழும் வாய்ந்த கண்ணகி கோயில், கூடலூருக்கு தெற்கேயுள்ள வண்ணாத்திப்பாறையில், தமிழக கேரள எல்லைப்பகுதியான, மங்கலதேவி மலையில் புலிகள் சரணாலய பகுதியில் 4830 அடி உயரத்தில் உள்ளது. இந்த கண்ணகி கோயிலின் முகப்பு வாயில், மதுரையை நோக்கி அமைந்துள்ளது.