சூட்டு உடம்பையும் ஜில்லுன்னு வெச்சுக்கும்.

கம்பு. மிக முக்கியமான உணவாக உள்ள இது கோடைமாதங்களில் கம்மங்கூழ் செய்வதற்கு மட்டுமே என்று இன்றைய தலைமுறையினர் நினைக்கிறார்கள். ஆனால் கம்பு எல்லா காலங்களிலும் சாப்பிட ஏற்றதே. கம்மஞ்சோறு, கம்மங்கூழ், கம்பு ரொட்டி, கம்பு தோசை, கம்பு இட்லி, கம்பு புட்டு, கம்பு கொழுகட்டை, கம்மங்களி, கம்பு பணியாரம் என்று எல்லா உணவுகளையும் ருசிபட தயாரிக்கலாம். அனைத்து வயதினருக்கும் ஏற்ற கம்பு உணவை வயதுக்கேற்ப பிடித்தவாறு செய்து கொடுத்தால் குடும்பத்தில் அனைவரும் ரசித்து ருசித்து உண்பார்கள். இந்த கம்பு கொண்டு செய்யப்படும் உணவு வகைகள் என்னென்ன என்பதை இங்கு பார்க்கலாம்.

கம்பு – 1 கப்தண்ணீர் – 3 கப்உப்பு – தேவைக்கு

செய்முறை

• கம்புவை நீர் விட்டு நன்றாக உராய்ந்து சுத்தம் செய்து கழுவவும்
• கம்புவை மிக்ஸியில் ஒன்றிரண்டாக பொடித்து ரவை பதத்துக்கு வைக்கவும்
• இப்போது கம்புவுடன் நீர் சேர்த்து குக்கரில் விசில் விடவும்.
• மிதமான தீயில் குக்கரை வைத்து மீண்டும் சில நிமிடங்கள் வைத்து இறக்கி விடவும்.
• இப்போது உப்பு சேர்த்து நன்றாக கிளறி விடவும். கம்மஞ்சோறு தயார்.