வெளிப்படையாக பேசிய அட்லி

தளபதி விஜய் தற்போது ஒரு நடிகராக மட்டுமல்லாமல் தமிழக வெற்றிக்கழகம் என்ற அரசியல் கட்சியின் தலைவராகவும் உருவெடுத்துள்ளார். வெங்கட் பிரபுவின் இயக்கத்தில் உருவாகும் the greatest of all time என்ற திரைப்படத்தில் நடித்து வரும் விஜய் திடீரென அரசியலில் என்ட்ரி கொடுத்தார். கடந்த சில மாதங்களாகவே விஜய் அரசியலில் என்ட்ரி தரப்போகின்றார் என பேசப்பட்டு வந்தது. இந்த சமயத்தில் தான் விஜய் தன் அரசியல் என்ட்ரியை உறுதிசெய்தார்.

இதையடுத்து தளபதி 69 படத்திற்கு பிறகு நடிப்பில் இருந்து விலக இருப்பதாகவும் தெரிவித்தார் விஜய். 2026 ஆம் ஆண்டு நடைபெற இருக்கும் சட்டமன்ற தேர்தலில் போட்டியிட இருக்கும் விஜய் தளபதி 69 படத்திற்கு பிறகு நடிப்பில் இருந்து விலகி முழு நேர அரசியலில் இறங்கவுள்ளார். இந்த செய்தி அவரது ரசிகர்களுக்கு பேரதிர்ச்சியாகவே உள்ளது.

இதெல்லாம் ஒருபக்கம் இருக்கையில் விஜய்யின் கடைசி படமான தளபதி 69 திரைப்படத்தை இயக்கப்போவது யார் என்ற கேள்வி தான் தற்போது அனைவராலும் கேட்கப்பட்டு வருகின்றது. வெற்றிமாறன் முதல் ஆர்.ஜெ பாலாஜி வரை பல இயக்குனர்களின் பெயர்கள் அடிபட்டு வருகின்றன. ஒவ்வொரு நாளும் ஒவ்வொரு இயக்குனரின் பெயர்கள் அடிபட்டு வரும் நிலையில் தற்சமயம் அட்லி தான் தளபதி 69 திரைப்படத்தின் இயக்குனர் என கிட்டத்தட்ட உறுதியானதாக சொல்லப்படுகின்றது.

விஜய்யை வைத்து தெறி, மெர்சல், பிகில் என ஹாட்ரிக் வெற்றியை கொடுத்தவர் தான் அட்லி. விஜய்யின் மார்க்கெட் உயரவும், அவரின் சம்பளம் உயரவும் அட்லி இயக்கிய திரைப்படங்கள் மிக முக்கிய காரணமாக அமைந்தன. எனவே விஜய்யின் ஆஸ்தான இயக்குனரான அட்லி தான் தளபதி 69 திரைப்படத்தை இயக்கவுள்ளதாக வந்த செய்தி விஜய் ரசிகர்களை குஷியில் ஆழ்த்தியிருக்கிறது.