நல்ல மருந்து! நாட்டு மருந்து! – தொடர் – 26

கசப்பு சுவை உள்ள பிஞ்சு கத்தரிக்காயில் உள்ள நீர்ச்சத்து, சருமத்தை மென்மையாக்கும். கத்திரியில் வைட்டமின் சி, மற்றும் இரும்புச் சத்து உள்ளது.

இந்திய சமையல்களில் குறிப்பாக தென்னிநதிய சமையல்களில் முக்கிய இடத்தை வகிக்கும் சாம்பார்.

இதில் கத்தரிக்காய் இல்லாத சாம்பார் கிடையாது என்று சத்தியமாக அடித்துச் சொல்லலாம்.

கத்தரிக்காய் சாம்பாருக்கு மட்டும் பயன்படுவதில்லை கத்தரிக்காயில் ரெசிப்பி ஏராளம்…!

 அதில் குறிப்பாக கத்தரிக்காய் பொரியல், கத்தரிக்காய் கூட்டு அதுவும் உருளைக்கிழங்கு கூட்டணியோடு செய்யப்படும் கத்தரிக்காய சமையல் சிறப்போ… சிறப்பு மேலும்….!

கத்தரிக்காய் தொக்கு, கத்தரிக்காய்ஃப்ரை, கத்தரிக்காய் சட்டினி, கத்தரிக்காய் பச்சடி, கத்தரிக்காய் சாதம், கத்தரிக்காய் ரவா உப்புமா,

முழு கத்திரிக்காய் கிரேவி, கத்தரிக்காய் மசாலா, கத்திரிக்காய் சாஸ், எண்ணெய் கத்திரிக்காய், இன்னும் இதுபோன்ற விதவிதமான ரெசிபிகளை கத்தரிக்காயில் தென்னிந்தியர்கள் செய்து விரும்பி சாப்பிடுவது நடைமுறையில் உள்ளது.

கத்திரி பிஞ்சு நரம்புகளுக்கு வலுவூட்டவும், சளி, இருமலைக் குறைக்கவும் செய்கிறது.

முதல்கட்ட சிறுநீரகக் கற்களைக் கரைக்கும் வல்லமை பெற்றது. வாதநோய், ஆஸ்துமா, ஈரல் நோய்கள், கீல்வாதம், சளி, பித்தம், தொண்டைக்கட்டு, மலச்சிக்கல், கரகரப்பானகுரல், உடல் பருமன் முதலியவற்றைக் குணப்படுத்தும் காய்கறிகளுள்

கத்தரிக்காயும் குறிப்பிடத்தக்கது.

போட்டோ நியூட்ரியெண்ட்ஸ் இருப்பதால் நினைவாற்றல் அதிகரிக்கும். இதிலுள்ள ஆன்டிஆக்ஸிடன்ட் கொழுப்பைக் கரைக்கும். உடல் பருமனைக்  குறைக்கும். மூளை செல்களைப் பாதுகாக்கும்.

கத்தரிக்காய் பிஞ்சாகச் சாப்பிடுவதே நல்லது.

 முற்றிய பெரிய காய்களைச் அதிக அளவு சாப்பிட்டால்தான் உடம்பில் அரிப்பு ஏற்படும்.

புற்றுநோய் வராமல் காக்கும்.

இது தக்காளிக்கு இணையானது, இக்காய். தக்காளியைப் போலவே எடை, புரதம், கலோரி அளவு, தாது உப்புகள் முதலியன கத்தரிக்காயில் உள்ளன. ஆனால் வைட்டமின் ‘ஏ’யும், வைட்டமின் ‘சி’யும் குறைவாகவே உள்ளன. இவற்றை ஈடுசெய்யும் வகையில் வைட்டமின் ‘பி’ தக்க அளவில் உள்ளது. இதய நோய்கள் வருவதைத் தடுக்கும்.

உடலில் சேர்ந்த அதிகப்படியான இரும்புசத்தை சமன்படுத்தும். நாம் சாப்பிடும் மற்ற உணவுகள் உடனடியாகச் சிதைந்து சத்தாக மாறக்  கத்தரிக்காயில் உள்ள வைட்டமின் ‘பி’ பயன்படுகிறது. பசியின்மை அகல்கிறது. உடல் வலுவு குறைவது தடுக்கப்படுகிறத. மூச்சுவிடுதலில் சிரமம், தோல் மரத்துவிடுவது முதலியவையும் தடுக்கப்படுகிறது.

டைப் 2 சர்க்கரை நோயைத் தடுக்கும். முற்றிய காய்கள் உடல் வளர்ச்சிக்குப் பயன்படும். காரணம், இவற்றில் வைட்டமின் ‘ஏ’ அதிக அளவில் இருக்கிறது. உயர் ரத்த அழுத்தத்தைக் கட்டுப்படுத்தி, மன அமைதியைத் தரும்.

உடம்பில் சொறி சிரங்கு, புண் உள்ளவர்கள் கத்தரிக்காயைத் தவிர்ப்பது  நல்லது. உடலுக்குச் சூடு தரும் காய் என்பதால் அரிப்பை உண்டு பண்ணிப் புண்கள் ஆற அதிக நாள் ஆகும்.

எனவே சுவைமிகுந்த கத்தரிக்காயை அளவோடு சாப்பிட்டு ஆரோக்கியத்தை பெறுவதற்காக நோய் வரும் முன் நம்மை நாமே காப்பாற்றிக் கொள்வோமாக..!

நல்ல (உணவு) மருந்து…! நம்ம நாட்டு (உணவு) மருந்து…!

 தொகுப்பு:- சங்கரமூர்த்தி…. 7373141119